1 Piè

2 Kidonk rijété tout méchansté, tout modèl riz, tout makakri, épi tout kalté malpalé. 2 Kon ti-bébé fini nèt, fòk zòt aprann swèf vré lèt pawòl-la, ki pé fè zòt vini gran épi trapé ladélivrans, 9 Men zòt, zòt sé « an pèp yo chwazi, an gwoup prèt ki wa, an nasion ki sen, an pèp ki fèt pou vini an bien èspésial, pou zòt anonsé bèl kalité » Moun-lan ki tiré zòt anba fè-nwè pou fè zòt alé adan bèl limiè’y. 11 Zòt mwen enmen, zòt ki sé étranjé é ki pa la pou lontan, man ka mandé zòt rifizé fè bagay lachè-a anvi, sé sa ki ka goumen kont zòt. 12 Fòk zòt ni an bon konduit pami sé nasion-an. Konsa, lè yo ké akizé zòt konsidiré zòt sé dé bandi, yo ké témwen bèl aksion zòt ka fè, é sa ké mennen yo a gloriyé Bondié jou-a i ké vini enspèkté. 13 Pou Senyè-a, soumèt kòw anba tout lotorité lézòm : ki sé an wa pas i sipériè, 14 ki sé gouvènè pas wa-a vréyé yo pou pini moun ka fè mové bagay é pou félisité moun ki ka fè sa ki bien. 17 Ba tout kalté moun lonnè-yo, enmen tout frè-zòt, ni lakrent Bondié, ba wa-a lonnè’y. 20 Pas ki valè sa ka ba zòt si zòt ka andiré kou yo ba zòt pas zòt péché ? Men, si zòt ka andiré soufwans pas zòt fè sa ki bien, sé an bagay agréyab an zié Bondié. 21 Poubon, sé pou sa yo kriyé zòt, pas Kris osi soufè ba zòt, é i kité an lègzanp ba zòt pou suiv larèl-li épi fidélité. 22 I pa konmèt piès péché, i pa jen sèvi bouch-li pou kouyonnen pèsonn. 23 Lè yo té ka ensilté’y, li menm pa té ka ensilté pèsonn. Lè i té ka soufè, i pa té ka minasé, men i té ka mété tout bagay an lanmen Moun-lan ki ka jijé épi jistis.