Izayi

42 Mi sèvitè-mwen, man ka soutienn ! Moun-lan man chwézi, mwen kontan’y menm ! Man ba’y lèspri-mwen ; i ké mennen lajistis an mitan sé nasion-an. 2 I pé ké ni kriyé ni palé fò, é i pé ké fè moun tann vwa’y an gran lari. 3 I pé ké krazé wozo-a ki ja bimen, é i pé ké fini tjwé an mèch ki ja près étenn. I ké mennen lajistis épi fidélité. 5 Mi sa Jéova ka di, vré Bondié-a, Kréyatè sièl-la, Gran Bondié-a ki wouvè’y tou gran, li ki mété latè kon i yé-a épi sa ki anlè’y, li ki ka ba souf lavi épi lèspri ba moun ki ka viv épi maché asou latè : 8 Mwen, man sé Jéova. Sé non-mwen ki la ; man pa ka séparé laglwa ki ta mwen épi pèsonn, ni non pli louwanj ki pou mwen épi èstati. 14 « Pandan lontan man fèmen bouch-mwen. Man pa té ka di ayen é man té ka tjenbé kòmwen. Kon an fanm ka akouché, man ké plenn kòmwen, pèd souf épi toufé an menm tan.