Izayi

4 Jiktan zòt vini vié, man pé ké chanjé ; jiktan chivé zòt vini blan man ké soutienn zòt. Menm manniè man ja fè’y man ké pòté zòt, man ké soutienn zòt é man ké pòté zòt soukou. 9 Sonjé sé bagay-la ki té fèt dépi nanni-nannan, raplé kòzòt man sé Bondié é i pa ni dòt. Man sé Bondié, é pa ni pèsonn kon mwen. 10 Anpenn i koumansé, man ja prévwè manniè i kèy fini. Dépi antan lontan man ka anonsé bagay ki poko fèt. Man ka di : “Sa man désidé sé sa ki kèy fèt, é tousa ki ka fè mwen plézi, sé sa man kèy fè.” 11 Man ka kriyé an lèg ki ka sòti koté-a solèy-la ka lévé, an nonm ki sòti adan an péyi olwen pou fè sa man désidé. Man di sa, é man ké fè sa ki fo pou sa fèt. Man désidé fè sa, é man ké réyalizé’y.