Mak

25 La, té ni an fanm ki té ka pèd san dépi 12 lanné. 26 I té ja alé wè titak dòktè, men trètman yo té ba’y té fè’y soufè anpil, é i té dépansé tout lajan’y. I pa té ka alé pli mié ; okontrè, i té pli malad ankò. 27 Lè i aprann sa yo té ka di asou Jézi, i glisé kòy an mitan foul-la pou rivé dèyè’y, toupré’y, épi i menyen rad-li, 28 pas i té ka pansé : « Si man ka jiskont menyen rad-li, man ké djéri. » 29 É lamenm, san’y arété koulé, é i santi i té djéri di vié maladi-tala. 30 Lamenm, Jézi rann kòy kont an lafòs té sòti andidan’y. I viré do’y an mitan foul moun-lan é i mandé : « Ki moun ki menyen rad-mwen ? » 31 Sé disip-li a réponn li : « Ou ka wè foul moun-lan ki kolé anlè’w, ka viwonnen’w, é ou ka mandé ki moun ki menyen’w ? » 32 Men i té ka gadé alantou’y pou wè ki moun ki té fè sa. 33 Fanm-lan té sav sa ki té rivé’y. I té pè, latranblad pran’y, i anni tonbé an pié Jézi é i di’y tousa ki pasé. 34 Jézi di’y : « Tifi-mwen, sé lafwa’w ki djéri’w. Pati épi lapé, ou djéri di vié maladi’w la. »