Akt

15 Men yonn-dé nonm sòti Lajidé épi yo koumansé ansénié sé frè-a : « Si zòt pa ka fè kòzòt siwkonsi silon Lalwa Moyiz, zòt pé ké pé sové. » 2 Pòl épi Barnabé pa té dakò piès épi sé nonm-lan é sa mennen an gwo diskision ant yo. Alòs yo tonbé dakò, pou Pòl, Barnabé épi dòt ankò, monté Jérizalèm pou yo palé asou sa épi sé apòt-la èk sé zansien-an. 3 Aprézavwè sanblé-a fè an bout chimen épi yo, sé nonm-tala travèsé Lafénisi épi Lasamari. Yo té ka pwofité pou rakonté an détay manniè moun sé nasion-an té ka konvèti kòyo, é sa té ka pòté an gran lajwa pou tout sé frè-a. 6 Kidonk, sé apòt-la épi sé ansien-an sanblé kòyo pou étidié kèsion-an. 10 Alò atjèlman, poutji zòt lé tèsté Bondié, lè zòt ka fòsé sé disip-la pòté an jouk, ki zansèt-nou ki nou menm, pa rivé pòté ? 12 Alò tout gwoup-la péla, é yo kouté Barnabé épi Pòl rakonté koumanniè Bondié sévi yo pou fè an patjé sin épi mirak adan sé nasion-an. 13 Lè yo fini, Jak koumansé palé, i di : « Nonm, frè, kouté mwen. 14 Simon pran tout tan’y pou rakonté kouman, pou prèmié fwa, Bondié otjipé kòy di sé nasion-an pou chwézi andidan yo an pèp ba non’y. 15 É sa an akò épi pawòl sé Pwofèt-la ; pas, mi sa ki matjé : 16 “Apré sa, man ké viré-vini é man ké viré-lévé tant David-la ki tonbé ; man ké viré-konstwi sa ki détwi é man ké viré-mété’y doubout, 17 pou lèrèstan sé nonm-lan chèché Jéova poubon, yo épi osi moun tout nasion, moun ki ka pòté non-mwen, sé sa Jéova di, li ki ké réyalizé sé bagay-tala 18 moun konnèt dépi an tan lontan.” 22 Kidonk sé apòt-la épi sé ansien-an, épi tout lasanblé-a, désidé vréyé Antiòch, épi Pòl é Barnabé, yonn-dé nonm yo té chwézi adan yo. Yo vréyé Jida, yo té ka kriyé Barsabas, épi Silas. Tou lé dé té ni rèsponsabilité adan sanblé-a. 23 Mi sa ki té ni adan lèt-la yo té pou pòté : « Nou menm, sé apòt-la épi sé ansien-an ki frè-zòt, nou ka vréyé bonjou ba frè-nou ki pa koté Antiòch, Siri épi Silisi ki sòti adan sé nasion-an. 24 Nou aprann yonn-dé moun kay-nou tèrbolizé zòt épi pawòl-yo, éséyé fè zòt pèd larèl, magré nou pa té ba yo piès lòd asou sa. 25 Kidonk nou tout ansanm, nou désidé chwézi épi vréyé yonn-dé nonm ba zòt, épi Barnabé èk Pòl frè-nou nou si enmen, 26 ki ka ba lavi-yo pou non Senyè-nou Jézikri. 27 Kidonk nou ka vréyé Jida épi Silas, pou yo di zòt menm bagay-la épi bouch-yo. 28 Pas lèspri sen épi nou menm désidé pa ba zòt dòt chaj anplis di sa ki enpòwtan : 29 pa sèvi ni sa ki sakrifié ba zidòl, ni san, ni bèt ki toufé, é pa fè péché sèksièl. Si zòt ka fè tousa ki fo pou pa fè sé bagay-tala, sa ké alé ba zòt. Pòté kòzòt bien ! » 30 Kidonk sé nonm-tala pati épi yo désann Antiòch. Lè yo rivé la, yo sanblé tout gwoup-la épi yo ba yo lèt-la. 31 Lè yo fini li’y, yo té kontan ankourajman-tala. 36 Apré yonn-dé jou, Pòl di Barnabé : « Aprézan, annou viré wè sé frè-a adan chak sé vil-la nou anonsé pawòl Jéova-a, pou sav ki manniè yo yé. » 39 Kidonk an gwo kankan pété, yo chak la pran bò-yo. Barnabé pati épi Mak, épi yo batjé pou alé Chip. 41 Yo té ka travèsé Lasiri épi Lasilisi, é yo té ka ba sé sanblé-a plis fòs.