Izayi

3 Létranjé-a ki ka vini jwenn Jéova, pé ké ni pou di : “ Asiré, Jéova kay mété mwen apa di pèp-li.” É moun-lan ki chatré pé ké ni pou di : “ Gadé, man sé an piébwa sèk.” » 4 Pas mi sé sa Jéova ka di : « Sé moun-lan ki chatré épi ki ka rèspèkté saba-mwen, ki ka chwézi fè mwen plézi é ki ka rété kolé anlè alians-mwen, 5 man kéy ba yo adan kay-mwen é adan masòn kay-mwen, an moniman épi an non, an bagay ki pli méyè ki ti gason épi tifi. Man ké ba yo an non étèrnèl, an non ki pé ké janmen disparèt. 6 Kantapou sé étranjé-a ki ka vini jwenn Jéova pou sèvi’y, pou enmen non Jéova é pou vini sèvitè’y, yo tout ki ni rèspé pou saba-a, ki pa ka sali’y é ki ka rété kolé anlè alians-mwen, 7 man ké fè yo vini adan montann sakré mwen é man ké plen tjè-yo épi lajwa adan kay lapriyè-mwen. Man ké kontan olokòs-yo épi sakrifis yo ka fè anlè lotèl-mwen. Pas yo kéy kriyé kay-mwen an kay lapriyè pou tout pèp. »