2 Korentjen

4 Kidonk, davwè sé lanmizérikòd Bondié ki fè nou ni ministè-tala, nou pa ka ladjé. 2 Men nou rijété sé bagay-la ki ka fèt an kachèt, épi ki ka fè moun wont. Nou pa ka kouyonnen moun épi nou pa ka chanjé pawòl Bondié. Okontrè, lè nou ka fè moun konnèt lavérité, konsians-yo ka travay lè yo ka wè bèl konduit-nou douvan Bondié. 3 Si bon nouvèl-la nou ka anonsé zòt séré poubon, i séré ba sé moun-lan ki ké mò, 4 ba sé moun-lan ki pa lé kwè pas bondié monn-tala ka vèglé entélijans-yo, kifè limiè bon nouvèl-la ki plen laglwa asou Kris-la, ki pòtré Bondié, pé pa kléré. 6 Pas sé Bondié ki di : « Fòk limiè-a kléré an mitan fè-nwè », é i kléré tjè-nou pou konésans Bondié, an konsésans ki plen laglwa kléré tjè-nou grasa fidji Kris. 7 Men, nou ni trézò-tala adan ja an tè, pou puisans-tala ki fò pasé sa ki nòwmal, ka sòti di Bondié é pa di nou menm. 13 Men nou osi, nou ni menm lèspri lafwa-tala ki adan sa ki matjé : « Man montré lafwa, sé poutji man palé » ; kidonk nou ka montré lafwa-nou, sé pou sa nou ka palé, 16 Mi sé pou sa nou pa ka ladjé ; okontrè, menm si sa nou yé pa andéwò ka fennen plizanpli, asiré sa nou yé pa andidan ka vini pli fré jou an jou. 17 Sa vré, tribilasion-an léjè épi kout, men sa i ka pòté ba nou sé an glwa ki pli gran chak jou èk ki étèrnèl. 18 Kifè, nou pa ka fiksé zié-nou asou bagay nou ka wè, men asou bagay nou pa ka wè. Pas sa nou ka wè la pou an ti moman, men sa nou pa ka wè ka diré pou létèrnité.