Akt

26 Agripa di Pòl : « Ou pé palé pou défann kòw. » Kidonk, Pòl lonjé lanmen’y épi i di : 2 « Man kontan, wa Agripa, davwè sé douvan’w man ka vini défann kòmwen jòdi-a parapòt a tousa sé Juif-la ka di anlè mwen ki pa vré, 3 siwtou pas ou konnèt toutafètman koutim sé Juif-la épi tousa ki fè yo pa dakò ant yo. Kidonk, man ka mandé’w kouté mwen épi pasians. 14 Alòs nou tout tonbé atè, man tann an vwa ki té ka di mwen adan lang ébré-a : “ Sòl, Sòl, poutji ou ka pèsékité mwen ? Ou ka fè pwòp kòw soufè, lè ou ka kontinié vréyé kout pié anlè zépon. ” 19 « Kifè, wa Agripa, man pa dézobéyi vizion-tala ki sòti an sièl-la ; 20 men ba moun ki ka rété Damas an prèmié, apré, moun ki ka rété Jérizalèm, épi toupatou Lajidé, épi ba moun sé nasion-an osi, man té ka pòté mésaj-tala : yo té pou ripanti kòyo, é tounen bò Bondié épi fè aksion ki ka montré yo ka ripanti kòyo. 22 Men, konm man risiwrè soukou ka vini di Bondié, jòdi-a ankò man ka kontinié rann témwayaj douvan piti kon gran, san di ayen an plis ki sa sé pwofèt-la épi Moyiz té prédi. 27 Ès ou ka kwè adan sé Pwofèt-la wa Agripa ? Man sav ou ka kwè. » 28 Agripa réponn li : « Adan an ti moman ou sé fè mwen vini krétjen. » 29 Pòl di’y : « Ki sa fèt lamenm ki sa pran anpil tan, sa man lé douvan Bondié, sé ki wou épi tout moun ki ka kouté mwen jòdi-a, zòt tout vini kon mwen, men san sé chenn-tala. »