1 Jan

2 Yich-mwen, mwen ka ékri sé bagay-tala pou zòt pa péché. Men, si an moun vini fè an péché, nou ni an moun pou endé nou bò Papa-a, Jézikri, an moun ki jis. 3 É mi koumanniè nou sav nou aprann konnèt li : sé si nou ka kontinié obéyi koumandman’y. 4 Si an moun ka di : « Man aprann konnèt li », men i pa ka obéyi koumandman’y, sé an mantè, é lavérité pa andidan’y. 14 Sé papa-a, man ka ékri zòt pas zòt aprann konnèt moun-lan ki ka èkzisté dépi okoumansman. Jenn-jan, man ka ékri zòt pas zòt fò é pawòl Bondié ka rété andidan zòt é pas zòt genyen méchan-an. 15 Fòk pa zòt enmen ni monn-lan ni bagay ki adan monn-lan. Si an moun enmen monn-lan, lanmou pou Papa-a pa andidan’y ; 16 pas tousa ki adan monn-lan — sa lachè-a anvi épi sa zié-a anvi épi fè lentérésan épi sa nou ni — pa ka vini di Papa-a, men ka vini di monn-lan. 17 Anplis di sa, monn-tala ka mò piti a piti, é sa i enmen tou, men moun-lan ki ka fè volonté Bondié kay viv pou toujou. 20 É zòt ni an lonksion ki ka vini di Bondié ki sen, épi zòt tout ni lakonésans. 27 Kantapou zòt, lonksion-an i ba zòt ka rété andidan zòt, é zòt pa bizwen pèsonn vini ansénié zòt ; pas lonksion-an zòt risivwè ka ansénié zòt asou tout bagay, i vérité vré, sé pa mansonj. Menm manniè i ansénié zòt, kontinié fè yonn épi’y.