1 Samièl

13 Lè Samièl wè Sayil, Sayil di’y konsa : « Fèt ki Jéova béni’w ! Mwen obéyi tout lòd Jéova. » 14 Men Samièl mandé’y : « Alò poutji mwen ka tann mouton épi bèf ka rélé ? » 15 Sayil réponn li : « Sé kay sé Amalésit-la yo sòti, davwè sé solda-a gadé sé pli bèl mouton-an èk sé pli bèl bèf-la pou sakrifié yo ba Jéova Bondié’w, men nou détwi tout lèrèstan. » 17 Samièl kontinié di : « Lè’w vini chèf sé tribi Izrayèl-la, lè Jéova chwazi’w pou mété’w wa asou Izrayèl, ou pa té ka kwè kòw piès. 22 Alò Samièl di : « Kisa ka fè Jéova plis plézi ? Sakrifis-brilé-antiè épi tout kalté dòt sakrifis, oben obéyi sa Jéova ka di ? Pa ni piès dout : Obéyi lontan méyè pasé ofè an sakrifis, èk pran tan kouté plimié ki ofè lagrès mal mouton. 23 Lè’w ni lèspri ribèl sa osi grav ki lè’w ka fè ladivinasion, é lè’w ka kwè kòw, sa osi grav ki lè’w ka fè lamaji oben adoré zidòl. Pas ou pa té lé pawòl-li, Jéova pa lé’w non pli é ou pé ké wa ankò. »