Éfézien

2 Anplis, Bondié ba zòt lavi, magré zòt té mò palakòz fòt-zòt épi péché-zòt, 2 zòt té ka fè avan, lè zòt té ka suiv manniè viv monn-tala, lè zòt té ka suiv chèf-la ki ka dirijé mantalité monn-tala ki kon lè-a ki alantou nou, chèf-la ki ka dirijé lèspri-a ki ka travay atjèlman adan yich ladézobéyisans. 3 Wi, lè nou té épi yo, nou tout la té ka aji silon lanvi nou té ni an lachè-nou, nou té ka fè tousa ki té ka pasé an tèt-nou. Kifè kon tout lézòt moun-lan, nou té mérité kòlè Bondié. 19 Donk zòt pa étranjé ankò, zòt pa moun ki sòti adan an lòt péyi ankò, men zòt sitwayen kantékant épi sé moun-lan ki sen, é zòt sé moun lafanmi Bondié. 22 Zòt osi, zòt adan linité épi Bondié, é i ka fè zòt grandi ansanm pou konstwi an koté éti lèspri’y ka abité.