Akt

19 Apré sa, pandan Apolòs té Korent, Pòl travèsé péyi-a pa andidan épi i désann Éfèz. É la, i touvé yonn-dé disip 2 éti i mandé : « Ès zòt risivwè lèspri sen lè zòt vini kwayan ? » Yo réponn li : « Men nou pa menm tann di i té ni an zafè lèspri sen. » 3 I di : « Men ki batenm zòt risivwè alò ? » Yo réponn li : « Batenm Jan-an. » 4 Pòl èsplitjé : « Jan té ka batizé moun épi an batenm ki té ka montré yo té ripanti kòyo, é i té ka di pèp-la fòk yo kwè adan moun-lan ki té ké vini apré’y, kidonk Jézi. » 5 Lè yo tann sa, yo pran batenm-lan an non Senyè-a, Jézi. 6 É lè Pòl pozé lanmen anlè tèt-yo, lèspri sen désann anlè yo, é yo koumansé palé divès lang épi pwofétizé. 7 Té ni an douzenn nonm an tout. 8 Pandan twa mwa, i palé épi anpil lasirans adan sinagòg-la ; i té ka fè diskou épi palé an manniè pou konvenk moun asou wayòm Bondié. 9 Men, i té ni yonn-dé ki pa té lé tann ayen épi ki té ka malpalé Chimen-an douvan sé moun-lan. I kité yo la, épi i pati épi sé disip-la. É touléjou, i fè diskou adan sal lékòl Tiranis-la. 10 Sa diré dé lanné, kifè tout moun ki té ka viv adan téritwè Lazi tann pawòl Senyè-a, ki Juif ki Grèk. 19 Wi, an patjé adan sé moun-lan ki té ka fè lamaji, sanblé liv-yo é brilé yo douvan tout moun. Yo katjilé valè-yo : 50 000 piès an arjan. 20 Sé konsa, an manniè puisan, pawòl Jéova-a té ka kontinié simayé épi vini pli fò. 23 An tan-tala, gwo dézòd pété parapòt a Chimen-an.