1 Korentjen

4 Lanmou pasian épi bon. Lanmou pa jalou. I pa vanta, i pa ka gonflé lèstonmak-li, 5 i pa ka fè ayen ki pa pou fèt, i pa ka chèché pwòp lentéré’y, i pa ka égri. I pa ka matjé konben fwa yo fè’y ditò. 6 I pa ka pran plézi adan lenjistis, men lavérité ka ba’y lajwa. 7 I ka sipòté tout bagay, i ka kwè tout bagay, i ka èspéré tout bagay, i ka andiré tout bagay. 8 Lanmou pa ka janmen disparèt. Men kantapou don moun risivwè pou pwofétizé, yo ké disparèt ; sé lang-lan ké bout ; konésans-lan ké disparèt. 12 Aprézan, sa vré, nou ka wè dé fòwm flou adan an miwè ki an métal, men an jou nou ké wè fasafas. Aprézan man konnèt a mwatié men an jou, man ké konnèt an manniè ègzak, menm manniè yo konnèt mwen an manniè ègzak.