Jan

7 Apré sa, Jézi kontinié vwayajé an Galilé ; avrédi i pa té lé travèsé Lajidé, pas sé Juif-la té lé tjwé’y. 2 Men, fèt Tabèrnak-la té près rivé. 3 Alò sé frè’y la di’y : « Kité isiya épi alé Lajidé, pou sé disip-ou a wè osi sa ou ka fè. 4 Pas an moun ki lé yo konnèt li pa ka séré. Si ou ka fè sé bagay-tala, fè moun wè’w. » 5 Sé frè’y la, sa vré, pa té ka montré lafwa an li. 10 Men lè sé frè’y la monté pou fèt-la, alò i monté tou, men i pa kité pèsonn wè’y, i alé an sikré. 13 Asiré, pèsonn pa té ka palé di’y douvan tout moun, pas yo té pè sé Juif-la. 14 Fèt-la té ja koumansé dépi pliziè jou lè Jézi monté an Tanp-lan épi i koumansé ansénié. 15 É sé Juif-la té èstébékwé, yo té ka di : « Ki manniè nonm-tala pé konnèt sé Lékriti-a bien konsa, alòs ki i pa fè gran lékòl ? » 24 Arété jijé silon sa zié-zòt ka wè, men jijé an manniè ki jis. » 28 Pandan Jézi té ka ansénié adan Tanp-lan, i mété kòy ka kriyé : « Zòt konnèt mwen é zòt sav la man sòti. É sé pa mwen tousèl ki désidé vini, men Moun-lan ki vréyé mwen bien réyèl, é zòt pa konnèt li.