Filipien

3 Pa fè ayen épi lidé fè kankan ouben lanvi yo pòté zòt anlè, men épi limilité kontinié wè lézòt kon moun ki pli wo pasé zòt. 4 é pa yenki chèché lentéré-zòt sèlman, men chèché lentéré lézòt tou. 5 Gadé andidan zòt menm mantalité-a Kris Jézi té ni, 8 Anplis di sa, lè i vini asou latè i té an nonm, i chwézi vini tou piti é i obéyi jiktan i mò, wi, i mò asou an poto soufwans. 9 Sé pousa Bondié ba’y kont wotè’y épi i ba’y bon tjè, an non ki wo pasé tout sé lézòt la, 10 pou lè yo tann non Jézi tout moun mété jounou atè — kisiswa moun ki an sièl-la é moun ki asou latè é tousa ki anba latè — 11 é pou tout moun rikonnèt franchtèman ki Jézikri, sé li ki Senyè-a pou laglwa Papa Bondié. 13 Pas sé Bondié menm, dapré sa ki plézi’y, ka ba zòt lénèrji, pou zòt rivé ni lanvi fè épi lafòs pou fè. 15 pou zòt vini dé moun ki san ripwòch épi inosan, dé yich Bondié ki san péché an mitan an jénérasion malonnèt épi ka maché kochi, zòt ki kon flanbo ka briyé adan monn-lan, 19 Aprézan si sé volonté Senyè Jézi, man sé lé vréyé Timoté ba zòt adan an ti moman, pou sa ankourajé mwen lè man ké tann nouvèl-zòt. 20 Pas mwen pa ni pèsonn dòt ki ni menm konpòwtasion ki’y, an moun ka sousié kòy di lentéré-zòt poubon. 21 Sa vré, tout sé lézòt la ka chèché pwòp lavantaj-yo, men pa lavantaj Jézikri. 22 Men zòt sav i za montré ki moun i yé, pas i travay rèd épi mwen pou fè bon nouvèl vansé kon an timanmay épi papa’y.