Sòm

112 Louwé Ja ! Bienéré nonm-lan ki ni lakrent Jéova, ki ka pran anpil plézi adan koumandman’y. 2 Désandans-li ké puisan asou latè é jénérasion moun ki dwèt ké béni. 3 Anpil bien épi richès adan kay-li, é jistis-li ka diré pou toujou. 4 Pou moun ki dwèt, i ka kléré kon limiè adan fè-nwè. I plen konpasion, épi mizérikòd é sé an moun ki jis. 5 Tout bagay ka maché bien ba moun-lan ki donan. I ka jéré zafè’y èk jistis. 6 Ayen pé ké janmen brennen’y. Yo ké sonjé an moun ki jis pou toujou. 7 I pé ké pè tann mové nouvèl. Tjè’y solid, sé adan Jéova i ka mété konfians-li. 8 Tjè’y pa ka brennen ; ayen pa ka fè’y pè ; lè tout bagay ké bout, i ké gadé lènmi’y épi zié laviktwa. 9 I distribié san fè dèyè, i ba moun ki pòv. Jistis-li la pou toujou. Lafòs-li ké vini pli gran, an menm tan épi laglwa’y. 10 Lè méchan-an ké wè sa, i ké kontrayé. I ké kratjé dan’y é i ké disparèt. Tout lanvi sé méchan-an ni ké fonn.