Ègzòd

2 Alò pèp-la koumansé palé mal ba Moyiz épi yo di’y : « Ba nou dlo pou nou brè ! » Men Moyiz réponn yo : « Poutji zòt ka palé mal ba mwen ? Poutji zòt pa ka sispann tèsté Jéova konsa ? » 3 Men pèp-la té ka mò swèf, é yo té ka bougonnen kont Moyiz é yo té ka di : « Poutji ou fè nou kité Léjip ? Pou fè nou mò swèf, nou, yich-nou épi bèt-nou ? » 4 An final-di-kont, Moyiz palé ba Jéova : « Kisa fòk man fè épi pèp-tala ? Talè, yo kèy lapidé mwen ! » 7 Kidonk, i kriyé koté-tala Masa é Mériba, pas sé Izrayélit-la té fè kankan épi’y é yo té tèsté Jéova lè yo di : « Ès Jéova an mitan nou ouben i pa an mitan nou ? » 14 Alò Jéova di Moyiz : « Matjé sa adan liv-la pou moun sonjé’y épi répété’y ba Jozié : “Man ké fè an manniè pou, anba sièl-la, yo pa jen sonjé sé Amalésit-la ankò.” » 15 Apré, Moyiz konstwi an lotèl épi i kriyé’y Jéova-Nisi. 16 I di : « Pas sé Amalésit-la ka goumen kont twòn Ja, Jéova ké an djè épi yo jénérasion apré jénérasion. »