Lévitik
5 « “Si an moun témwen an bagay, swa i wè’y swa yo di’y, épi i tann an moun kriyé pou mandé an témwayaj men i pa ka di sa i sav, sé péché i ka péché é i ké pòté rèsponsabilité fòt-li. 5 « “Si moun-tala koupab di yonn di sé bagay-tala, i kèy ni pou konfésé ki manniè i péché. 6 I kèy ni pou pòté an sakrifis pou réparasion ba Jéova pou péché-a i fè a : an fimèl adan ti twoupo-a (an ti fimèl mouton ouben an ti fimèl kabrit) ba sakrifis pou péché-a. Apré, prèt-la kèy fè an sérémoni pou rékonsiliasion-an pou kouvè péché-a.