Izayi

8 Apré, man tann vwa Jéova ki té ka mandé : « Ki moun man ké vréyé é ki moun ki ké alé ba nou ? » Man réponn : « Mi mwen ! Vréyé mwen ! » 9 Alò i di : « Alé di pèp-tala : “Zòt ké tann épi viré-tann ankò, men zòt pé ké konprann ; zòt ké wè épi viré-wè ankò, men zòt pé ké aprann ayen.”‏ 10 Rann tjè pèp-tala rèd, bouché zorèy-yo épi kolé zié-yo, pou zié-yo pa wè ayen, pou zorèy-yo pa tann ayen, pou tjè-yo pa konprann ayen, pou yo pa viré-vini pa koté mwen pou yo pa djéri piès. » 11 Alò man mandé : « Jik ki tan, o Jéova ? » I réponn mwen : « Jiktan sé vil-la fè lapousiè san pèsonn ki ka rété adan, jiktan sé kay-la san pèsonn adan, é jiktan péyi-a ravajé épi détwi ; 12 jiktan Jéova mennen sé nonm-lan bien lwen épi péyi-a touvé kòy toutafètman abandonnen. 13 « Men i ké rété an dizièm adan pèp Izrayèl-la, é yo ké brilé dizièm-tala ankò. I ké vini kon an gwo pié-bwa é i ké kon an pié-bwa chajé épi branch yo kité chous-yo an tè lè yo koupé yo ; é an ti boujon ki sen ké sòti adan chous-tala. »