1 Korentjen
5 Sa Apolòs yé ? Wi, sa Pòl yé ? Dé sèvitè, sé pa yo zòt vini kwayan, silon favè Senyè-a ba chak moun-lan. 6 Mwen, man planté, Apolòs wouzé, men sé Bondié ki té ka fè’y lévé, 7 kidonk, sé pa moun-lan ki ka planté, ni moun-lan ki ka wouzé ki enpòwtan, men Bondié ki ka fè lévé. 8 Menm si moun-lan ki ka planté épi moun-lan ki ka wouzé ka fè yonn, chak la kay risivwè pwòp rékonpans-li silon travay i fè. 9 Pas nou ka travay kantékant épi Bondié. Zòt sé chan-an Bondié ka kiltivé, konstriksion Bondié. 10 Silon favè-a ki pa mérité Bondié ba mwen, man pozé fondasion kon an bon mèt chantié, é an lòt moun ka konstwi asou’y. Men chak moun pou toujou prangad manniè i ka konstwi asou’y. 11 Pas pèsonn pé pa pozé an lòt fondasion ki sa ki ja bien la : Jézikri. 12 É, menm si yo ka konstwi asou sé fondasion-tala épi matiè kon lò, lajan, piè ki ni valè, bwa, zèb oben pay, 13 travay chak moun kèy parèt pou sa i yé poubon, jou-a kèy kléré’y, pas difé léprèv-la kay mété’y an gran jou, é difé-tala kay mété déwò valè travay chak moun. 14 Si travay an moun, sa i konstwi asou fondas-tala, ka tjenbé, i kay risivwè an rékonpans ; 15 si difé-a brilé travay moun-lan, i kèy pèdi an bagay, men li, i kèy sové kanmenm ; men, sé kèy konsidiré atravè difé.