1 Samièl

8 I atann Samièl pandan sèt jou, kon Samièl té mandé’y la. Men Samièl poko té ka rivé Gilgal, é pèp-la té ka koumansé pati. 9 Anfinaldikont Sayil di : « Mennen sé zannimo-a ba mwen pou sakrifis-brilé-antiè a épi sakrifis pou lapé. » Épi i ofè sakrifis-brilé-antiè a. 10 Men, dépi i fini ofè sakrifis-brilé-antiè a, Samièl rivé. Sayil alé jwenn li pou di’y bonjou. 11 Alò Samièl di’y :« Kisa ou fè la-a ? » Sayil réponn li : « Man wè pèp-la té ka ladjé mwen, é ou pa té ka rivé a lè, épi sé Filisten-an té ka sanblé Mikmach. 12 Man di kòmwen : “Sé Filisten-an ké vini Gilgal pou atatjé mwen, é man poko chèché favè Jéova.” Kidonk, man santi man té oblijé ofè sakrifis-brilé-antiè a. » 13 Men Samièl di Sayil : « Ou fè an bagay sòt menm. Ou pa obéyi lòd-la Jéova Bondié’w té ba’w la. Si ou té fè sa, Jéova té ké fè an manniè pou désandans-ou rété anlè twòn Izrayèl-la pou tout tan. 14 Men atjèlman wayòm-ou pé ké diré. Jéova ké touvé an nonm ki ka konpòté kòy vréman silon volonté’y, é Jéova ké mété’y chèf anlè pèp-li, pas ou pa obéyi koumandman Jéova té ba’w. »