1 Wa

6 Alò wa-a di nonm vré Bondié-a : « Souplé, sipliyé Jéova Bondié’w épi prédié ba mwen pou lanmen-mwen djéri. » Kidonk nonm vré Bondié-a sipliyé Jéova, èk lanmen wa-a viré-vini bien. 7 Apré sa, wa-a di nonm vré Bondié-a : « Vini lakay-mwen. Ou ké manjé an ti kéchòy é man ké ba’w an kado. » 10 Kidonk i viré-pati pa an lòt chimen. I pa viré-pran menm chimen-an i té pran pou vini Bétèl. 14 Pwofèt-la pati anlè tras nonm vré Bondié-a, é i touvé’y asiz anba an gwo piébwa. I mandé’y : « Ès sé wou nonm vré Bondié-a ki sòti an Jida ? » Lòt la réponn : « Wi, sé mwen. » 15 Alò pwofèt-la di’y : « Vini manjé mòso pen lakay-mwen. » 16 Men lòt la réponn : « Man pé pa viré dèyè épi’w ni non pli aksèpté envitasion’w, é man pa ni dwa, ni manjé pen ni bwè dlo épi’w isiya. 19 Kidonk nonm-lan viré épi pwofèt-la pou manjé pen épi bwè dlo lakay-li. 20 Toupandan yo té a tab, pawòl Jéova vini anlè pwofèt-la ki té viré-mennen nonm-lan, 22 Ou viré dèyè pou manjé pen épi bwè dlo jiskont koté-a éti i té défann ou manjé épi bwè. Sé poutji kò’w pé ké téré adan tonm zansèt-ou.” »