Lik

12 Yonn di sé jou-a, i monté an montann-lan pou prédié, é i pasé tout lannuit ka prédié Bondié. 14 Té ni Simon, i té ka kriyé osi Piè, frè’y André, Jak, Jan, Filip, Bartélémi, 15 Matié, Toma, Jak yich Alfé, Simon yo té ka kriyé « moun-lan ki ni balan », 16 Jida yich Jak, épi Jida Iskariòt, ki vini an trèt. 21 « Bienéré zòt ki fen jòdi, pas zòt ké trapé tousa zòt lé. « Bienéré zòt ki ka pléré jòdi, pas zòt ké ri. 22 « Zòt biennéré lè moun ka rayi zòt, ka rijété zòt, ka ensilté zòt, ka sali non-zòt, akòz Yich nonm-lan. 23 Lè sa ka rivé, fòk zòt soté anlè tèlman zòt kontan, pas zòt ni an gran rékonpans an sièl-la. Sa vré, sé menm bagay-la zansèt-yo té ka fè sé pwofèt-la. 26 « Malè pou zòt, lè tout moun ka di bon bagay asou zòt, pas sé sa zansèt-yo té ka fè sé fo pwofèt-la. 31 « Anplis, sa zòt sé lé moun fè ba zòt, zòt ni pou fè’y ba yo tou. 38 Pran labitid ba, é yo kèy ba zòt. Yo kèy vidé an bèl kantité adan rad-zòt, danmé, soukwé é ka débòdé. Pas sé épi mizi-a zòt ka miziré ba lézòt, yo kèy miziré ba zòt osi. »