1 Korentjen

10 Frè, man lé zòt sav zansèt-nou té tout anba niyaj-la é yo tout travèsé lanmè-a, 2 yo tout batizé adan Moyiz gras a niyaj-la épi lanmè-a, 12 Kidonk, moun-lan ki konprann i bien doubout, pou prangad pa tonbé. 13 Tout tantasion zòt sibi, tout limanité ka sibi yo tou. Men Bondié fidèl ; i pé ké pèwmèt zòt sibi tantasion zòt pé pa sipòté, é lè tantasion-an ké vini, i ké ouvè an lapòt pou zòt pé sa tjenbé. 21 Zòt pé pa bwè adan koup Jéova-a épi adan ta sé démon-an ; zòt pé pa asiz manjé anlè « tab Jéova-a » épi anlè tab sé démon-an. 23 Tout bagay posib, men sé pa tout bagay ki ka pòté bénéfis. Tout bagay posib, men sé pa tout bagay ki ka ankourajé. 24 Fòk chak moun kontinié chèché, non pa lavantaj-li, mé ta lòt-la. 25 Manjé tousa yo ka vann adan maché viann-lan, san pozé kèsion pou zòt pa jennen konsians-zòt. 26 Pas « latè-a épi tou sa ki anlè’y sé ta Jéova ». 31 Kidonk, kisiswa lè zòt ka manjé, oben lè zòt ka brè, kisiswa sa zòt ka fè dòt, fè tout bagay pou gloriyé Bondié. 32 Prangad pa fè trilbiché, ki Juif, ki Grèk oben lasanblé Bondié ; 33 mwen menm ka fè sa ki fo pou fè tout moun plézi lè man pa ka chèché pwòp lavantaj-mwen, men lavantaj an patjé moun pou yo pé sa sové.