1 Timoté

2 Kidonk déja-pou-yonn, sa man ka mandé zòt sé fè siplikasion, dimann, prédié ba lézòt é fè lapriyè pou di mèsi parapòt a tout kalté moun, 2 pou wa é pou moun ki ni lotorité, pou nou pé sa kontinié viv an lavi trantjil adan lapé épi ladinité toupandan nou ka kontinié enmen Bondié an manniè fò. 3 Sa bèl épi agréyab an zié Bondié, Sovè-nou, 4 ki lé tout kalté moun sové é rivé ni an konésans ègzak lavérité. 5 Pas i ni an sèl Bondié, épi an sèl médiatè ant Bondié èk lézòm, an nonm, Kris Jézi, 6 ki ba lavi’y pou tout moun kon an ranson ki ka korèsponn ; mi sé sa yo ké témwayé lè moman-an ké rivé. 9 Menm manniè-a, sé madanm-lan pou abiyé kòyo an manniè korèk, épi modèsti èk bonsans, pa épi nat èk lò, pèwl oben rad ka kouté chè, 10 men fòk yo fè plito bon aksion, pou yo fè kon madanm ki ka di yo lianné épi Bondié. 14 É sé pa Adan yo twonpé ; men sé fanm-lan yo twonpé nèt, kifè i tonbé an péché.