2 Kwonik

4 Anplis di sa, Ézékias ba an lòd pou pèp Jérizalèm-lan ba sé prèt-la épi sé Lévit-la pa-a ki té tayo, pou yo pé sa obéyi lalwa Jéova toutafètman. 5 Dépi lòd-tala sòti, sé Izrayélit-la anni ba an patjé adan sé prèmié pwodui-a adan séréyal, diven, luil, mièl épi tousa sé jaden-an té ka pwodui. Yo pòté an gran bondans dis pou san tout bagay-la. 6 É moun Izrayèl épi Jida ki té ka viv adan sé vil Jida-a, pòté osi dis pou san sé bèf-la épi sé mouton-an, épi dis pou san sé bagay sakré-a yo té mété anlè koté pou ladorasion Jéova Bondié-yo. Yo pòté tousa épi yo fè anlo patjé épi sa. 9 Ézékias mandé sé prèt-la épi sé Lévit-la koté sé tout patjé-tala sòti, 10 é Azarias, chèf sé prèt-la, an manb fanmi Zadòk, réponn li : « Dépi yo koumansé pòté sé don-an an kay Jéova-a, nou manjé jiktan bouden-nou plen é magré sa i ka rété an bondans, pas Jéova ka béni pèp-li, épi gadé ! tout sé patjé-tala, sé sa ki ka rété. »