2 Kwonik

9 Yo alé wè gran-prèt la Ilkia épi yo ba’y lajan-an moun té pòté an tanp Bondié-a, éti sé Lévit-la ki té ka gadé sé lapòt-la té risivwè di moun ki té ka sòti Manasé, Éfrayim épi tout lèrèstan Izrayèl, Jida, Benjamen épi Jérizalèm tou. 10 Apré, yo mété lajan-an an lanmen sé nonm-lan yo té nonmen rèsponsab travo tanp Jéova-a. É sé ouvriyé-a sèvi lajan-tala pou réparé épi viré-mété tanp Jéova-a nèf. 11 Yo ba sé artizan-an épi sé ouvriyé-a lajan-tala pou yo achté wòch ki té ja tayé épi bwa pou ranfòsé sé charpant-lan épi ranplasé poto sé batiman-an sé wa Jida-a té kité an chinpontonng.