Éklézias

4 Moun ki ka rété gadé van-an pé ké simen, é moun-lan ki ka rété gadé sé niyaj-la pé ké rékòlté. 5 Menm manniè ou pa sav kouman lèspri-a ka travay adan zo timanmay-la madanm-lan ka pòté adan vant-li, ou pa konnèt non pli travay vré Bondié-a, ki ka fè tout bagay. 6 Simen grenn ou ni dépi lé bonmaten é pa kité lanmen’w pozé jiktan lannuit vini ; pas ou pa sav kilès adan ké pousé : pétèt tala, lòt la, ouben lé dé. 9 Réjwi kòw jenn-jan, tout tan ou jenn, é fè tjè’w kontan antan lajénès-ou. Fè sa ki an tjè’w épi alé la zié’w ka mennen’w ; men sav vré Bondié-a ké mandé’w kont pou tout sé bagay-tala. 10 Kidonk, tiré an tjè’w tousa ki pé ba’w pwoblèm épi rété lwen di tousa ki pé fè kò’w ditò, pas lajénès épi prentan lavi-a sé pou an tan.