Sòm

32 Bienéré moun-lan fòt-li padonnen, moun-lan Bondié padonnen péché’y la. 2 Bienéré moun-lan ki pa koupab douvan Jéova, ki pa ni an lèspri kouyonnè. 3 Lè man pé bouch-mwen pou séré péché-mwen, zo-mwen té ka izé pas tout lajounen man té ka plenn. 4 Pas lannuit kon lajounen kolè’w té lou anlè do-mwen. Lafòs-mwen pati kon vapè, kon dlo ka sèk adan chalè karenm. 5 Pou fini, man konfésé péché-mwen douvan’w ; man pa séré fòt-mwen. Man di : « Man ké konfésé fòt-mwen douvan Jéova. » É ou padonnen fòt-mwen, péché-mwen. 8 « Man ké fè’w vini filé pou konprann, é man ké ansénié’w adan ki chimen ou pou alé. Zié-mwen pa ka ladjé’w toupandan man ka ba’w konsèy.