Galat

6 Frè-mwen, menm si an moun fè chimen-kochi san menm i wè sa, zòt ki ni lèspérians adan lavérité, fòk zòt chèché an manniè pou viré mété moun-tala dwèt épi dousè. É wou menm, véyé kòw pou ou pa pri adan an tantasion osi. 4 Men chak moun pou pran tan gadé sa li menm ka fè, é an moman-tala i ké ni tjè-kontan parapòt a sa li yonn ka fè, san konparé kòy épi an lòt moun. 5 Pas chak moun kèy pòté pwòp chaj-li. 7 Pa garé kòzòt : moun pa ka fè lafèt épi Bondié. Pas sa an nonm ka simen, sé osi sa i ké rékòlté ; 8 sa vré, moun-lan ki ka simen pou lachè’y, lachè’y ké fè’y rékòlté lanmò, men moun-lan ki ka simen pou lèspri, lèspri ké fè’y rékòlté lavi étèrnèl. 9 Kidonk, annou pa sispann fè sa ki bien, pas lè moman-an ké rivé nou ké rékòlté, si nou pa ka kité lafatig chayé nou. 10 Kidonk, tout tan sa posib, annou fè tout moun dibien, men pli èspésialman, frè é sè-nou adan lafwa. 12 Sé moun-lan ki lé fè moun kwè yo sé bon moun, sé yo ki lé fòsé zòt siwkonsi kòzòt. Yo ka fè sa jiskont pou moun pa pèsékité yo parapòt a poto soufrans Kris-la. 16 Pou tousa ki ka viv dapré larèl-tala, fèt ki yo trapé lapé épi lanmizérikòd, wi, yo ki sé Izrayèl Bondié-a !