Éfézien

4 Mwen ki lajòl pou Senyè-a, man ka mandé zòt ni an bèl konduit kon dé moun Bondié kriyé, 2 épi tout limilité épi dousè kifo, épi pasians, pou yonn sipòté lòt adan lanmou, 3 É kontinié fè gwo éfò pou zòt viv adan lapé, pas lèspri sen an lianné zòt. 8 Pas Lézékriti ka di : « Lè i monté anlè a, i mennen prizonnié épi’y ; i ofè nou nonm konm kado. » 11 É i ba yonn-dé moun kon apòt, yonn-dé kon pwofèt, yonn-dé kon évanjélizatè, yonn-dé kon bèrjé épi ansénian, 12 pou fowmé sé sen-an pou travay ministè-a fèt, pou konstwi kò Kris-la, 13 jiktan nou rivé fè yonn adan lafwa épi adan lakonésans èkzak Yich Bondié, jiktan nou vini an moun ki mi, menm nivo épi Jézikri ki parfé. 14 Kidonk, fòk pa nou kon timanmay ankò, ralé pasi-pala kon vag lanmè, épi tout van lansèyman ka chayé an tout sans, parapòt a nonm ki kouyonnè é ka sèvi lariz pou trapé moun adan zatrap. 15 Men, toupandan nou ka di lavérité, annou vini pli gran adan tout bagay pou nou jwenn Kris, li ki tèt-la. 16 Gras a li, tout kò-a sanblé adan larmoni épi ka travay ansanm, parapòt a jwenti ki ka sipòté’y silon sa i bizwen. Lè chak mòso ka travay an manniè korèk, sa ka fè ki kò-a ka grandi bienkonmifo, é ka konstwi kòy adan lanmou. 17 Kidonk, mi sa man ka di épi ka témwayé an non Senyè-a, zòt pa pou maché kon sé moun nasion-an ka maché, adan pansé-yo ki initil. 18 Lèspri-yo adan an fè-nwè, yo garé lwen lavi-a Bondié ba yo pas yo ignoran é pas tjè-yo rèd. 19 Kon yo pa konnèt sa ki bien é sa ki mal ankò, yo anni ladjé kòyo adan an mové konduit san wont, pou fè, épi vorasité, tout kalté bagay ki pa pwòp. 22 Yo ansénié zòt rijété vié pèrsonalité-a, ka korèsponn épi konduit-la zòt té ni avan, é ki ka gaté akòz di kalté lanvi i ni ka kouyonnen moun. 23 É fòk zòt kontinié mofwazé léta lèspri-a ki ka mennen zòt la, 24 épi abiyé kòzòt épi nouvo pèrsonalité-a Bondié kréyé silon volonté’y adan an vré jistis é an vré fidélité. 26 Menm si ou an kòlè pa péché ; pa rété faché jiktan solèy kouché ; 27 pa kité Djab-la ni pouvwa anlè zòt. 28 Fòk vòlè-a sispann vòlè ; men plivomié i travay rèd, fè an bon travay épi lanmen’y, pou i pé sa ni an ti kéchòy pou ba moun ki ni bizwen. 29 Fòk pa piès pawòl pouri sòti adan bouch-zòt, men plisimié pawòl ki bon pou ba lafòs lè sa nésésè, pawòl ki ka fè dibien lè ou tann li. 31 Tiré andidan zòt tousa ki mové rantjin, laraj, lakòlè, kri, jouré épi tousa ki ka fè moun ditò. 32 Men fòk zòt vini bon yonn pou lòt, épi an konpasion plen tandrès, toupandan yonn ka padonnen lòt bon tjè, menm manniè Bondié osi padonnen zòt bon tjè, atravè Kris.