1 Korentjen

3 Man té ké voudré Bondié, Papa-nou, épi Senyè Jézikri, ba zòt lapé épi favè-a nou pa mérité ! 10 Frè, an non Jézikri Senyè-nou, mwen ka ankourajé zòt tout ni menm pawòl-la épi fòk pa ni piès divizion ant zòt, men fòk zòt toutafètman lianné adan menm lèspri-a é menm manniè wè a. 11 Pas i ni moun lakay Kloé ki di mwen i ni kankan ant zòt, frè-mwen. 19 Pas mi sa ki matjé : « Man ké fè disparèt sajès moun ki saj, é lentèlijans sé gran-grèk la, man ké mété’y asou koté. » 20 Oti saj-la yé ? Oti èspésialis Lalwa-a yé ? Oti moun-lan ki enmen fè déba adan monn-tala yé ? Ès sa pa vré Bondié fè sajès monn-tala vini bagay ki sòt ? 21 Avrédi, pas monn-lan, lè i apiyé asou pwòp sajès-li, pa rivé konnèt Bondié, alò adan sajès-li, Bondié touvé sa té bon sèvi sa nou ka préché kon bagay ki sòt pou sové moun ki ka kwè. 22 Sé Juif-la ka mandé sin épi sé Grèk-la ka chèché lasajès ; 23 men nou, nou ka préché yo tjwé Kris asou an poto, é sa ka fè sé Juif-la tribiché, épi pou sé nasion-an sé an bagay ki sòt. 26 Pas frè-mwen zòt bien wè, lè Bondié té kriyé zòt i pa té ni anpil moun saj dapré lézòm, pa té ni anpil moun puisan, ni menm moun ki fèt adan fanmi gwo-tjap, 27 men Bondié chwézi bagay ki sòt adan monn-lan pou fè sé saj-la wont, é Bondié chwézi bagay ki fèb adan monn-lan pou fè moun ki fò trapé lawont, 28 é Bondié chwézi bagay san valè monn-lan, é sa yo ka méprizé, sa ki pa ayen, pou détwi sa ki la, 29 sé pou pèsonn pa gonflé lèstonmak-li douvan Bondié. 31 pou sa fèt kon sa matjé : « Moun-lan ki ka vanté kòy, fòk i vanté kòy an Jéova. »