Izayi

7 Ki moun ki kon mwen ? Fòk i kriyé, fòk i di’y, fòk i montré mwen sa ! Fòk i di sé bagay-la ka vini an, men osi sé bagay-la ka vini apré sa, kon man fè’y dépi lépòk éti man établi pèp antan-lontan an. 8 Pa kité latranblad pran zòt, pa kité lapè anvayi zòt. Ès man pa palé alavans ba zòt chak la ? Ès man pa di zòt sa ? Zòt sé témwen-mwen. Ès ni an lòt Bondié ki mwen ? Non, pa ni piès dòt Woché ; man pa konnèt pa yonn.” » 9 Tout sé moun-lan ka fè èstati pa vo ayen, é sé bagay-la yo enmen anlo pé ké sèvi ayen. Sé èstati-tala, sé dé témwen ki pa ka wè ayen é ki pa sav ayen ; mi sé poutji sé moun-lan ki fè yo ké wont toubannman. 22 Mwen kéy fè fòt-ou disparèt, konsidiré man té ka séré’y dèyè an niyaj, épi séré péché’w dèyè an gwo niyaj nwè. Rivini bò mwen pas mwen kéy viré achté’w. 27 moun-lan ki ka di sé gran dlo-a : “Anni vini sèk, é man ké sèk tout lariviè-zòt”, 28 moun-lan ki ka di asou Siris : “Sé bèrjé-mwen ki la, é sé volonté-mwen i ké réyalizé adan tout ti détay”, moun-lan ki ka di asou Jérizalèm : “I ké viré konstwi” é ba tanp-lan : “Yo ké pozé fondasion’w.” »