1 Korentjen

11 Imité mwen, menm manniè man ka imité Kris-la. 3 Men man lé zòt sav ki chèf tout nonm sé Kris, ki chèf an madanm sé mari’y, é ki chèf Kris sé Bondié. 20 Lè zòt tout ka sanblé ansanm, sé pa vréman pou manjé Ripa Senyè-a. 23 Pas mwen, sa Senyè-a ba mwen, man ba zòt li : Jézi Senyè-a, menm lannuit-la yo té pou trayi’y, i pran an pen 24 é apré, lè i fini fè an lapriyè pou di mèsi, i kasé pen-an épi i di : « Sa, sa ka riprézanté kò-mwen, li ki pou zòt. Kontinié fè sa pou montré zòt ka sonjé mwen. » 25 Lè yo fini manjé, i fè menm bagay-la épi koup-la. I di : « Koup-tala ka riprézanté nouvo alians-lan, sé san-mwen ki ké validé’y. Kontinié fè sa, pou zòt sonjé mwen chak lè zòt ké bwè’y. » 26 Pas chak lè zòt ka manjé pen-tala é zòt ka bwè koup-tala, zòt ka kontinié anonsé lanmò Senyè-a, jiktan i vini.