Jan

6 I di yo : « Jété filèt-la pa koté dwèt bato-a é zòt ké touvé kéchòy. » Kidonk, yo jété filèt-la, men yo pa rivé ralé’y pas i té ni an patjé pwason adan’y. 7 Alò, disip-la Jézi té enmen an di Piè : « Sé Senyè-a ki la ! » Lè Simon Piè tann sé té Senyè-a ki té la, i viré-mété rad-li anlè’y, pas i té tiré’y, épi i plonjé an dlo-a. 15 Lè yo fini manjé, Jézi di Simon Piè : « Simon yich Jan, ès ou enmen mwen plis ki sé tala ? » I réponn li : « Wi, Senyè, ou sav man enmen’w. » I di’y : « Ba ti mouton-mwen manjé. » 16 I viré di’y, an dézièm fwa : « Simon yich Jan, ès ou enmen mwen ? » I réponn li : « Wi, Senyè, ou sav man enmen’w. » I di’y : « Mennen ti mouton-mwen. » 17 I di’y an twazièm fwa : « Simon yich Jan, ès ou enmen mwen ? » Sa fè Piè lapenn pas i té mandé’y sa an twazièm fwa : « Ès ou enmen mwen ? » É i di’y : « Senyè, ou konnèt tout bagay, ou sav mwen enmen’w. » Jézi d’y : « Ba ti mouton-mwen manjé. 20 Piè tounen kòy é i wè disip-la Jézi té enmen té ka suiv yo, tala menm ki té panché kòy asou lèstonmak Jézi pandan soupé-a épi ki té di : « Senyè, ki moun ki ké trayi’w ? » 22 Jézi di’y : « Si man lé i rété jiktan man vini, ès sa sé zafè’w ? Wou, kontinié suiv mwen. » 25 Pou vré Jézi fè anlo dòt bagay ankò ; si nou té lé matjé chak ti détay, man ka pansé monn-lan pa té kèy ni asé plas pou tout sé woulo-a yo té kèy ni pou ékri.