Jan

19 Alò, Pilat pran Jézi, épi i fwété’y. 2 É sé solda-a naté an kouwòn pitjan pou mété’y anlè tèt-li. Apré, yo mété an gran rad wouj fonsé anlè’y. 3 É yo té ka vini toupré’y é yo té ka di’y : « Bonjou, wa lé Juif ! » Yo té ka ba’y kalòt tou. 4 Pilat sòti déwò ankò an fwa épi i di yo : « Kouté ! Man ka mennen’y déwò ba zòt, pou zòt pé sav man pa ka touvé piès rézon pou kondané’y. » 5 Kidonk Jézi sòti déwò épi kouwòn pitjan-an é gran rad wouj fonsé-a anlè’y. É Pilat di yo : « Mi nonm-lan ! » 6 Men lè sé chèf sé prèt-la épi sé ofisié-a wè’y, yo kriyé : « Maré’y anlè poto-a ! Maré’y anlè poto-a ! » Pilat di yo : « Pran’y zòt menm épi tjwé’y, pas mwen, man pa ka touvé piès rézon pou kondané’y. » 7 Sé Juif-la réponn li : « Nou ni an lwa, é silon lwa-tala, i pou mò, pas i fè kòy li menm yich Bondié. » 16 Alò i ba yo’y, pou yo maré’y anlè poto-a. Kidonk yo tjenbé Jézi épi yo mennen’y alé. 17 I té ka pòté li menm poto soufwans-lan, é i rivé koté-a yo té ka kriyé : plas Tèt-Moun-Mò, ki lé di Gòlgota an lang ébré. 18 Sé la yo klouwé’y anlè poto-a, é yo mété épi’y dé nonm ankò, yonn adwèt, yonn agòch, Jézi an mitan.