Détéwonòm

7 Apré sa, Moyiz kriyé Jozié épi i di’y douvan tout Izrayèl : « Fòk ou ni kouraj épi fòs, pas sé wou ki kay fè pèp-tala rantré adan péyi-a Jéova jiré sé zansèt-yo a i té ké ba yo a, épi ou kay ba yo’y pou éritaj. 8 Jéova li menm ka maché douvan’w épi kay rété épi’w. I pé ké ladjé’w, i pé ké kité’w. Pa bizwen pè épi pa tèrbolizé lèspri’w. » 29 Pas man sav bien, apré lanmò-mwen, zòt ké fè sa ki mové, é zòt pé ké rété asou chimen-an man mandé zòt suiv la. É alafen sé jou-a, malè ké tonbé anlè zòt, pas sé sa ki mové an zié Jéova zòt ké fè, é aksion-zòt ké fè’y faché. »