2 Korentjen

3 Pas sa klè zòt sé an lèt Kris vréyé, an lèt nou menm ékri épi ministè-nou, matjé non pa épi lank men épi lèspri an Bondié ki vivan, non pa anlè wòch plat, men anlè lachè, anlè tjè. 5 Sé pa nou menm ka anni désidé nou kapab konsidiré sa ka vini di nou, men sé Bondié ka rann nou kapab 6 ki kalifié nou poubon pou nou minis an nouvo alians, pa silon an lwa ki matjé, men silon lèspri ; pas lwa matjé-a ka mennen lanmò, men lèspri-a ka ba lavi. 18 É nou tout la — davwè nou tiré vwèl-la, laglwa Jéova ka parèt anlè fidji-nou kon adan an miwè —, é nou mofwazé pou nou vini zimaj-tala, pou nou riflété laglwa-tala plimié, toukon Jéova Lèspri ka fè’y.