Izayi

15 Pas mi sé sa Senyè Mèt linivè Jéova ka di, Bondié Sen Izrayèl-la : « Sé lè zòt kèy viré obò mwen épi atann trantjil ki zòt kèy sové. Sé la lafòs-zòt kèy yé : pa pran pè épi ni konfians. » Men zòt pa té lé sa. 18 Men Jéova ka atann épi pasians pou montré zòt konpasion’y, é i ké doubout pou fè zòt mizérikòd. Pas Jéova sé an Bondié ki jis. Bienéré tout moun ki ka kontinié atann li. 19 Ou pé asiré, lè pèp-la kèy viré rété Sion, Jérizalèm, ou pé kèy pléré ankó. Lè’w kèy kriyé anmwé, asiré i kèy montré konpasion pou’w ; dépi i kèy tann ou, i kèy réponn ou. 20 Sa vré, Jéova ké ba zòt manjé malè konsi sé té pen épi bwè loprésion konsi sé té dlo ; men Gran Pwofésè’w la pé ké séré ankò, é ou ké wè Gran Pwofésè’w épi pwòp zié’w. 21 Sianka ou sé fè chimen-kochi, ki agòch ki adwèt, zorèy-ou ké tann an pawòl dèyè do’w ka di : « Sé la chimen-an yé. Suiv li. » 22 Ou ké détwi sé zidòl-la ki kouvè épi lajan épi sé èstati-a ki kouvè épi lò. Ou ké jété sa kon an rad sal épi règ-fanm é ou kèy di yo : « Déwò ! » 23 Alò, i ké fè lapli tonbé pou grenn ou ka mété an tè, é latè-a ké pwodui an bondans bon manjé. An tan-tala, twoupo’w ké manjé zèb adan bèl gran savann.