Matié

9 Apré i pati, Jézi apèsivwè an nonm yo té ka kriyé Matié asiz adan biwo lenpo-a, é i di’y : « Suiv mwen. » Kidonk Matié lévé épi i suiv li. 10 Pli ta, toupandan Jézi té ka manjé épi sé disip-li a adan kay Matié, anlo moun ki té ka ranmasé lajan lenpo é anlo moun ki té ka péché vini manjé épi yo. 11 Lè yo wè sa, sé farizien-an di sé disip-li a : « Poutji ansénian-zòt la ka manjé épi moun ka ranmasé lajan lenpo èk moun ka péché ? » 12 Lè Jézi tann yo, i di yo : « Sé pa moun ki bien pòtan ki bizwen dòktè, men sé moun ki malad. 13 Kidonk, alé aprann sa sa lé di : “Sé mizérikòd man lé, é pa sakrifis.” Pas man pa vini pou moun ki jis, men pou moun ki ka péché. » 22 Jézi tounen kòy, i wè’y épi i di’y : « Pran kouraj yich-mwen ! Lafwa’w djéri’w. » É lamenm, madanm-lan djéri. 36 Lè i wè sé foul-moun lan, i risanti lapenn ba yo, pas yo té malmennen épi yo té garé kon brèbi ki pa ni bèrjé. 37 Alò i di sé disip-li a : « Rékòlt-la gran, men pa ni anlo ouvriyé.