Izayi

26 Jou-tala, yo ké chanté chanté-tala adan péyi Jida : « Nou ni an vil ki solid. I ka fè miray-li épi masonn-li vini kon an délivrans ba’y. 2 Ouvè lapòt-li, pou nasion-an ki jis pé sa antré, an nasion ka aji épi fidélité. 3 Ou ké pwotéjé moun ki ka apiyé anlè’w poubon ; ou ké ba yo an lapé ki ké diré pou tout tan, pas sé adan’w yo ka mété konfians-yo. 4 Mété konfians-zòt adan Jéova pou toujou, pas Ja, Jéova sé Woché-a ki la pou tout tan. 7 Chimen moun-lan ki jis la dwèt. Wou ki dwèt, ou ké fè chimen moun-lan ki jis la vini plat. 8 Sé chimen jijman’w nou ka suiv, o Jéova, sé an wou lèspwa-nou yé. Sa nou pli anvi, sé sonjé’w épi sonjé non’w. 9 Adan lannuit-la, tout kòmwen sé lé touvé’w, wi, lèspri-mwen ka chèché’w san rété ; pas lè ou ka jijé latè, tout moun ki ka rété an péyi-a ka aprann lajistis. 10 Menm si yo bon épi méchan-an, i pé ké aprann lajistis. Menm adan péyi-a éti tout bagay dwèt, i ké rété méchan é i pé ké wè ki manniè Jéova gran. 11 O Jéova, ou lévé lanmen’w men sé méchan-an pa ka wè’y. Lè yo ké wè fòs lanmou-a ou ni pou pèp-ou, yo ké wont. Wi, difé-a ou mété la pou lènmi’w ké fè sann épi yo. 12 O Jéova, ou ké ba nou lapé, pas tousa nou fè sé wou ki fè’y ba nou. 15 Ou fè nasion-an vini pli gran, o Jéova, ou fè nasion-an vini pli gran ; ou gloriyé kòw. Ou ripousé bien lwen tout fwontiè péyi-a. 19 « Sé moun-ou an ki mò ké viré viv. Sé kadav-mwen an ké viré lévé. Zòt ki ka rété adan lapousiè, lévé épi kriyé afòs zòt kontan ! Pas lawouzé’w kon lawouzé bonmaten, é latè-a ké fè sé moun-lan ki mò viré viv. 20 Alé, pèp-mwen, antré koté ki fon lakay-ou épi fenmen tout lapòt dèyè’w. Séré pou an ti moman jiktan lakolè bout.