Matié

17 Prèmié jou lafèt Pen san lèvi, sé disip-la vini mandé Jézi : « Koté ou sé lé nou préparé ripa Lapak-la ba’w ? » 18 I réponn : « Alé an vil-la wè entèl épi di’y : “Mi sa Ansénian-an di : ‘Lè-mwen rivé. Sé lakay-ou man ké fété Lapak-la épi disip-mwen.’” » 19 Sé disip-la suiv tousa Jézi té di yo, épi yo préparé Lapak-la. 26 Toupandan yo té ka kontinié manjé, Jézi pran an pen, i di an lapriyè pou béni’y. Apré i kasé’y, i ba sé disip li-a mòso, épi i di yo : « Pran, manjé. Sa, sa ka riprézanté kò-mwen. » 27 I pran an koup osi, épi i di an lapriyè pou di mèsi. Apré i ba yo’y, épi i di yo : « Zòt tout, bwè adan, 28 pas sa, sa ka riprézanté san-mwen, “san lalians-lan”, ki kèy koulé pou padonnen péché anpil moun. 31 Apré sa, Jézi di yo : « Palakòz sa ki ké rivé mwen, zòt tout kèy tonbé oswè-a, pas mi sa ki matjé : “Mwen ké frapé bèrjé-a, é sé ti mouton-an ki adan twoupo-a kèy anni chapé-kouri tou koté.” 33 Piè réponn li : « Menmsi tout sé lézòt la tonbé akòz di sa ki kèy rivé’w, mwen, janmen man pé ké tonbé ! » 41 Rété véyatif épi pa sispann prédié pou pa tonbé douvan tantasion. Sa vré, lèspri-a bien dispozé, men lachè-a fèb. » 52 Apré sa, Jézi di’y : « Viré mété lépé’w la an plas-li, pas tousa ki ka pran lépé kéy mò épi lépé. 59 Sé chèf sé prèt-la é tout Sannédren-an té ka chèché an mansonj kont Jézi pou tjwé’y. 60 Men yo pa touvé ayen, menmsi anlo mantè vini wè yo. Anfinaldikont, dé nonm vini 61 épi yo di : « Nonm-tala di : “Man pé krazé tanp Bondié-a èk viré konstwi’y an 3 jou.” » 67 Alò, yo kraché an fidji’y épi yo ba’y kout tjòk. Dòt ankò ba’y kalòt, 68 épi yo té ka di’y : « Wou ki Kris ! Si’w sé an pwofèt, di nou ki moun ki frapé’w ! » 69 Piè, li, té asiz déwò adan lakou-a. An sèvant pwoché bò’y épi i di’y : « Wou tou ou té épi Jézi Galiléyen-an ! » 70 Men i rifizé rikonnèt sa douvan tout moun, i di : « Man pa ka wè di kisa ou ka palé. » 71 Lè i té ka alé bò bayè-a, an lòt sèvant wè’y épi i di ba sé moun-lan ki té la : « Nonm-tala té épi Jézi Nazaréyen-an. » 72 La ankò i rifizé rikonnèt sa douvan tout moun, i jiré : « Man pa konnèt nonm-tala ! » 73 Tjèk tan apré, sé moun-lan ki té la vini di Piè : « Asiré-pa-pétèt, wou osi ou sé yonn adan yo. Dayè manniè palé’w ka trayi’w. » 74 Men i rifizé rikonnèt sa épi i jiré : « Man pa konnèt nonm-tala ! » É lamenm an kòk chanté. 75 Alò Piè sonjé sa Jézi té di’y : « Avan an kòk chanté, ou ké jiré twa fwa ou pa konnèt mwen. » Épi i sòti é i pléré gwo dlo.