Jan

4 Lè i fini mennen tout brèbi’y déwò, i ka maché douvan yo, épi yo ka suiv li, pas yo konnèt vwa’y. 5 Janmen yo pé ké suiv an moun yo pa konnèt, men yo ké pran kouri, pas yo pa ka rikonnèt vwa moun yo pa konnèt. » 11 Mwen sé bon bèrjé-a ; bon bèrjé-a ka ba lavi’y pou brèbi’y. 14 Man sé bon bèrjé-a. Mwen konnèt brèbi-mwen é brèbi-mwen konnèt mwen, 16 « É man ni dòt brèbi, men sé pa an pak-tala yo yé ; sé tala osi, fòk man fè yo antré, é yo ké kouté vwa mwen : yo ké vini an sèl twoupo, ki ké ni an sèl bèrjé. 17 Sé pou sa Papa-a enmen mwen, pas man ka ba lavi-mwen pou man pé sa risivwè’y ankò. 18 Piès nonm pé pa tiré lavi-mwen, men sé mwen ki désidé bay li. Mwen ni pouvwa bay li, é man ni pouvwa viré ni’y ankò. Koumandman-tala sé Papa-mwen ki ba mwen’y. » 34 Jézi réponn yo : « Ès sa pa ékri adan Lalwa-zòt la : “Man di : ‘Zòt sé dé bondié’” ? 35 Kidonk, i kriyé “bondié”, sé tala pawòl Bondié-a kondané (pas yo pé pa anilé pawòl Lékriti-a).