Ègzòd

4 Kidonk, Moyiz tayé dé tablèt wòch kon prèmié fwa-a, i lévé bonnè bonmaten é i monté montann Sinayi-a, é i té ni sé dé tablèt-la an lanmen’y, kon Jéova té mandé’y. 5 An moman-tala, Jéova désann an niyaj-la é i mété kòy la, koté’y, é i anonsé non Jéova. 6 Jéova té ka pasé douvan’y é i té ka di bien fò : « Jéova, Jéova, Bondié-a ki ka padonnen épi ki ni konpasion, ki ka pran tout tan’y avan i lévé faché, é ki ka débòdé épi lanmou fidèl èk vérité ; 7 i ka montré lanmou fidèl-li pou milié moun. I ka padonnen lérè, mové aksion, épi péché, men i pa ka janmen rété san pini an koupab, san i fè an manniè pou pini yich, épi ti-yich pou fòt papa, jik asou twazienm épi katièm jénérasion. » 14 Ou pa pou ajounou douvan an lòt bondié pou adoré’y, pas nou sav Jéova lé nou adoré’y li sèlman. Wi, sé an Bondié ki lé nou adoré’y li sèlman.