Akt

2 Épi i jwenn Akilas an Juif ki té fèt Pon. Li épi madanm-li Prisil, té fini sòti Itali pas Klòd té koumandé tout sé Juif-la pati kité Wòm. Pòl alé wè yo 3 é, kon yo té ni menm métié-a, i rété lakay-yo épi i travay épi yo ; sé tant yo té ka fè. 8 Krispis, prézidan sinagòg-la, koumansé kwè adan Senyè-a, li épi tout moun ki té ka viv lakay-li. É an patjé Korentjen ki té ka tann mésaj-la vini kwayan épi pran batenm. 9 Anplis, an lannuit, Senyè-a di Pòl adan an vizion : « Fòk pa ou pè, épi kontinié palé ; pa fèmen bouch-ou, 10 pas mwen, man épi’w. Pèsonn pé ké atatjé’w pou fè’w ditò. Adan vil-tala man ni ankò an patjé moun ki ta mwen. » 18 Pòl rété la pliziè jou ankò, apré sa i di sé frè-a adié épi i pran bato-a pou alé Siri épi Prisil èk Akilas. I té razé tèt-li lè i té Sankré, pas i té fè an sèrman. 19 Yo rivé Éfèz, épi i kité yo la. I antré an sinagòg-la épi i koumansé rézonnen épi sé Juif-la. 20 Yo ensisté pou i rété pli lontan, men i pa té lé 21 épi i di yo adié, é i di yo : « Si Jéova lé, man ké viré-vini wè zòt. » I pati-kité Éfèz abò bato, 22 pou alé Sézaré. Apré i monté di lasanblé-a bonjou, avan i désann Antiòch. 24 An Juif yo té ka kriyé Apolòs, an moun Alèksandri, rivé Éfèz ; sé té an nonm ki té ka palé bien é ki té bien konnèt Lékriti-a.