1 Piè

3 Menm manniè-a, zòt fanm, fòk zòt soumèt a mari-zòt, sé pou si i ni yonn-dé ki pa ka obéyi pawòl-la, yo pé fini pa kwè san pawòl gras a konduit madanm-yo, 2 pas yo ké témwen konduit pwòp épi plen rèspé zòt ni. 3 Fòk pa bèlté-zòt sé sa moun ka wè, kontèl chivé trésé, bijou an lò, bèl rad, 4 men fòk i vini di sa zòt yé andidan, an bèlté ki pa ka jen disparèt gras a an lèspri dous èk trantjil, ki ni an gran valè ba Bondié. 5 Pas sé konsa antan lontan, sé madanm sent-lan ki té ka mété lèspérans-yo adan Bondié, té ka vini bèl, yo ki té ka soumèt a mari-yo, 7 Menm manniè-a, zòt sé mari-a, viv épi yo èk konprann yo. Ba yo lonnè pas yo kon an vaz ki pli frajil, pas yo sé dé fanm, é yo ka éritié menm manniè épi zòt favè-a nou pa mérité, lavi-a. Sé konsa lapriyè-zòt pé ké blotjé. 8 É pou bout, fòk zòt ini adan menm manniè wè a, fòk zòt sansib douvan soufwans lézòt, fòk zòt ni afèksion ba frè-zòt, an konpasion plen tandrès épi limilité. 11 Fòk i tounen do’y ba sa ki mal, é fòk i fè sa ki bien ; fòk i chèché lapé é kontinié viv adan lapé. 12 Pas zié Jéova ka gadé moun ki jis, é zorèy-li ka kouté siplikasion-yo, men Jéova ka viré do ba moun ki ka fè mové bagay ». 14 É menm si zòt ka soufè pou lajistis, zòt ni tjè-kontan. Men, pa pè sa ki ka fè yo pè, é pa kité sa boulvèsé zòt. 15 Men rikonnèt adan tjè-zòt Kris-la sen èk Senyè, toujou paré pou défann kòzòt douvan nenpòt ki moun ka mandé zòt poutji zòt ni lèspérans-tala ; sèlman, fè sa épi dousè èk gran rèspé. 16 Kontinié ni an bon konsians. Konsa, kisiswa sa sé moun-lan ki ka malpalé zòt ka di, yo ké tou wont, pas zòt ni bèl konduit sé disip Kris-la. 18 Sa vré, pou lapéti péché moun ki enjis, Kris, an jis, mò an fwa pou tout, pou mennen zòt a Bondié. Yo tjwé’y lè i té ni an kò nonm, men lè i résisité sé té an lèspri. 19 É sé konsa i alé préché ba sé lèspri-a ki té lajòl, 20 lèspri ki antan lontan té dézobéyi, lè Bondié té ka atann épi pasians antan Noé, toupandan yo té ka konstwi lawch-la ki pèwmèt an ti ponyen moun, kivédi yuit nanm, sové an dlo-a. 21 Sé batenm-lan ki ka korèsponn a sa, é i ka sové zòt osi atjèlman. I pa ka tiré malpwòpté lachè, men sé dimann-lan nou ka fè Bondié, pou nou ni an bon konsians, é sé gras a larézirèksion Jézikri i ka sové.