1 Korentjen

3 Fòk mari-a ba madanm-li sa ki ta’y, é madanm-lan osi pou fè menm bagay-la ba mari’y. 5 Pa privé kòzòt, sòf si zòt mété kòzòt dakò pou an tan, an tan zòt kèy sèvi pou lapriyè. Apré zòt kèy viré jwenn, pou Satan pa pwofité tanté zòt sianka zòt mantjé métriz. 13 é si an madanm ni an mari ki pa kwayan men ki dakò pou rété épi’y, fo pa i kité mari’y. 29 Anplis di sa, mi sé sa man ka di, frè-mwen : tan-an ka vini kout. Dépi aprézan, fòk sé moun-lan ki ni an fanm fè konsidiré yo pa té ni, 30 épi moun ki ka pléré kon moun ki pa ka pléré, moun ki ni tjè-kontan kon moun ki pa ni tjè-kontan, moun ki ka achté kon moun ki pa ni ayen, 31 é moun ki ka pran plézi an monn-lan kon moun ki pa ka pwofité. Pas monn-lan la ka chanjé kon an piès téyat. 32 Wi, man pa lé zòt ni piès lentjétid. Nonm-lan ki pa mayé ka entjèt pou bagay Senyè-a, kisa i pé fè pou Senyè-a kontan. 33 Men an nonm mayé pé entjèt pou bagay monn-lan, kisa i pé fè pou madanm-li kontan’y, 36 Men si an moun ka kwè sa pa korèk di pa mayé, é si i ja sòti adan flè lajénès-li, mi sa i pou fè : i pé fè sa lidé’y di’y ; sé pa péché i ka péché. Kité yo mayé. 38 Kidonk, moun-lan ki ka mayé ka fè bien, men moun-lan ki pa ka mayé ké fè pli mié. 39 An madanm pou rété lianné épi mari’y tout tan mari’y vivan. Men si mari’y vini mò, i lib di mayé épi moun i lé, men sèlman si sé an disip Senyè-a.