Matié

1 Liv-tala ka rakonté listwa Jézikri, yich David, yich Abraam : 2 Abraam té papa Izaak. Izaak té papa Jakòb. Jakòb té papa Jida épi sé frè’y la. 6 Jésé té papa wa David. David té papa Salomon. I fè Salomon épi madanm Ouri. 8 Aza té papa Jozafa. Jozafa té papa Joram. Joram té papa Ozias. 17 Kidonk i ni 14 jénérasion ki pasé dépi Abraam rivé jik a David, 14 jénérasion ki pasé dépi David rivé jik a légzil Babilòn, épi 14 jénérasion ki pasé dépi lègzil Babilòn rivé jisatan Kris vini. 18 Mi ki manniè nésans Jézikri rivé : Lè manman’y, Mari, té fiyansé épi Jozèf, i tonbé ansent gras a lèspri sen avan mariyaj-yo. 19 Men, pas Jozèf mari’y, té jis, i pa té lé dézonoré’y douvan tout moun, kidonk i té ni lentansion divòsé épi’y an sikré. 20 Men apré i fini katjilé anlè sa, mi-anvwala, zanj Jéova-a parèt douvan’y adan an rèv épi di’y : « Jozèf, yich David, pa pè pran madanm-ou, Mari, lakay-ou, pas sé gras a lèspri sen i ansent. 21 I kèy fè an ti gason, é ou kèy ni pou kriyé’y Jézi, pas i kèy sové pèp-li anba péché yo fè. » 22 Tousa rivé pou sa Jéova té anonsé pa mwayen pwofèt-li akonpli : 23 « Vièj-la ké ansent é i ké akouché an ti gason, é yo ké kriyé’y Émanièl », sa ki lé di « Bondié épi nou ». 24 Alò Jozèf lévé an sonmèy-li épi i suiv enstriksion zanj Jéova-a : i pran madanm-li lakay-li. 25 Men i pa té ni rilasion sèksièl épi’y jiktan i akouché an ti gason. É Jozèf ba’y non Jézi.