2 Timoté

2 préché pawòl-la ; fè’y san rété ki tan-an bèl, ki tan-an rèd ; ripran, korijé, ankourajé, épi anpil pasians èk épi an bèl manniè ansénié. 3 Pas an périòd ké vini éti yo pé ké sipòté lansèyman-an ka fè di bien, men, silon pwòp lanvi-yo, yo ké antouré kòyo épi ansénian pou yo miyonnen zorèy-yo. 4 Yo ké tounen do ba lavérité é yo ké simié kouté istwa ki pa vré. 5 Men wou, kontinié ni bon jijman adan tout sitiyasion, tjenbé rèd anba léprèv, préché bon nouvèl-la, akonpli sèvis-ou épi tout fòs-ou. 6 Pas mwen, man ja ka vèsé kòmwen kon an ofwann diven, é moman pou man libéré a près rivé. 7 Sé pa ti goumen man goumen adan bèl konba-tala, mwen fini kous-la, man rété adan lafwa. 8 Dépi aprézan, yo mété kouwòn jistis-la apa ba mwen. Tala, Senyè-a, jij-la ki jis la, ké ba mwen pou rékonpans jou-tala, men pa ba mwen sèl, men pou tout moun ki ké kontan wè’y parèt. 9 Fè tousa ou pé pou vini jwenn mwen lamenm. 11 Sé Lik sèlman ki épi mwen. Mennen Mak épi’w, pas i ké endé mwen adan ministè-a. 17 Men Senyè-a, li menm, té bò mwen épi i ba mwen puisans, i sèvi mwen pou prédikasion-an akonpli toutafètman, é pou tout sé nasion-an tann mésaj-la. Épi yo sové mwen di djòl lion-an.