Ébré

5 Sé menm manniè-a, Kris pa désidé li menm vini gran prèt, épi pran laglwa ki lianné épi sa, men Moun-lan ki ba’y laglwa, sé li ki di : « Ou sé yich-mwen ; jòdi-a, man divini papa’w. » 7 Pandan i té ka viv anlè latè, lè Kris té ka fè siplikasion épi dimann i té ka rélé bien fò é i té ka pléré gwo dlo ba Moun-lan ki té pé sové’y anba lanmò. É Bondié tann li pas i té ni lakrent Bondié. 8 Magré i té yich-li, sé soufwans-lan i sibi fè’y aprann lobéyisans. 9 É apré i vini pawfé, i pèwmèt tousa ki ka kouté’y, sové pou létèrnité, 11 Nou ni anpil bagay pou di anlè’y, men yo difisil pou èsplitjé, pas zòt konm vini soud. 13 Pas moun-lan ki ka kontinié bwè lèt, pa konnèt sa ki pawòl lajistis, pas i sé an timanmay. 14 Men gwo manjé sé ba moun ki ja matrité, ba moun ki, afòs yo sèvi kapasité yo ni di konprann, yo aprann fè diférans-lan ant sa ki bien épi sa ki mal.